geimsins.com

Jæææææææææja, ekki er öll vitleysan eins, ég hrasaði inn á www.barnaland.is áðan og við mér blöstu dagbækur ungabarna, en mæður þeirra skrifuðu fyrir þau…. þar sem mátti lesa setningar eins og þessar:

“Ég fékk graut í hádeginu og svo gaf mamma mér að súpa brjóst”
“Ég svaf úti í dag í vagninum, það rigndi mikið, og svo tók mamma mig inn og skipti á mér”

Ég efast ekki um að mæðurnar hafi gaman af því að lesa þetta eftir nokkur ár, en hvað með börnin…. ætli þau lesi dagbækur hvers annars þegar þau eru farin að lesa seinna meir ?? Ætli þetta gangi líka á aðra hluti…. spurning um að stofna www.bilaland.is þar sem bílar eigenda blogga um notkun og þ.h….. minn bíll gæti t.d. bloggað svona:

Í nótt var kalt úti, hitinn var undir frostmarki, pabbi þvoði mér í frosti í gær og það var vont… vatnið sem hann úðaði á mig fraus á toppnum og svo notaði hann ekki gula mjúka svampinn, heldur bara hrjúfa þvottaskinnið. Áðan fórum við svo í bíltúr, það var gaman, við fórum og ég fékk að súpa af stút á Orkunni. Við keyrðum svoldið hratt og ég eyddi miklu bensíni.

Er gaman að lesa svona blogg ? ? ? ? . . . . .

Kalli::Bílabloggari

Ég komst að því í gær hvað er ógáfulegt að þrífa bílana sína í frosti…. ég fór einmitt út í skítakulda og var hitastigið 1.5 gráður….. allt vatn sem ég sprautaði á bílinn varð ég að þurrka eins og elding því annars fraus það :s …. hvað getur maður gert í svona aðstæðum…. hmmmm það þætti mér gaman að vita á ekki einhver tóman bílskúr til að lána mér af og til í vetur :p ….

Kalli::A freeeeze is coming

Þegar þessi orð eru skrifuð eru þrír dagar síðan gamli bíllinn minn var seldur. Ég verð eiginlega að segja það frekar skrýtið að hann sé farinn blessaður, maður var eiginlega búinn að tengjast honum svo mikið í gegnum síðustu 6 ár að ég var búinn að dauðkvíða fyrir að láta hann frá mér, en hef guggnað á því síðustu 2 ár. Ég get kannski ekki sagt hann hafi fengið besta heimili í heimi, en óh well, hann verður líklega notaður þangað til hann leggst á bakið og gefur upp öndina. Þegar ég fór að skrifa undir afsalið og svoleiðis sá ég nýtt heimili bílsins, og hvílir hann þar í góðra vina hópi, toyota hiace og toyota touring….. far vel min bil, far vel……

Kalli::Einn bíll er nóg

Nú áðan var ég að ná að þrífa nýja bílinn í fyrsta skipti án þess að hann verði skýjaður eða allur út í blettum og asnalegheitum … Þegar maður hefur aldrei gert svona nokkuð áður er víst venjan að þetta taki svona smá tíma. Herlegheitin tóku u.þ.b. 40 mínútur og í því fólst smúlun, svömpun og þurrkun auk þess sem ég strauk af felgum og þurrkaði falsa. Eitt er samt víst, og er það að veturinn verður strembinn þar sem það er ekki beint hlaupið að því að svampa bíla þegar það er komið frost úti og svona…. en ætli ég finni ekki eitthvað út úr því

Ívar var víst kallaður Ívar Bóner í framhaldsskóla svo hann hefur verið duglegur að segja mér til hvernig ég eigi að haga mér í þessu bílamáli og kann ég honum góðar þakkir fyrir…

Kalli::Bílabóner

Dagurinn hófst með spennu og þó smá kvíða. Ég vissi að ég ætti að fá nýja bílinn minn í dag, en ég bjóst við því að það myndi e-ð klikka, sendingin hefði tafist, þeir hefðu ekki náð að klára, bónið búið, felgurnar ekki til, eða e-r önnur þeirra milljóna ástæðna sem ég gerði mér í hugarlund í morgun. Þegar ég vissi að það var búið að opna hjá Heklu langaði mig til þess að hringja og spyrjast fyrir, en eins og fyrr segir hringdi Jón í mig og sagði mér frá stöðu mála. Ég hófst því handa við að panta mér tíma í skoðun með gamla bílinn svo hann verði sölulegri. Gamli bíllinn rann sjálfsögðu ljúflega í gegnum skoðunina án athugasemda og var ég því mjög kátur klukkan 15:25 þegar ég fékk þann úrskurð. 10 mínútum seinna sendi Jón mér póst og tilkynnti mér að bíllinn biði eftir mér fyrir utan Heklu. Ég dreif þá í því að setja auglýsingu í helgarblað DV og ætti hún að birtast landsmönnum á morgun.

Það er nokkuð til í því sem vinir mínir hafa verið að tala um síðan ég pantaði bílinn að ég væri eins og kona á meðgöngutíma, og hugsaði um fátt annað en bílinn. Þegar hann er svo kominn líður mér einhvernveginn eins og ég væri göngutúristi á Íslandi og það kæmi indæll maður og byði mér far, hringinn í kringum landið!

En við skulum ekki láta þessi orð vera fleiri heldur skella okkur út á malbikið !!!

Kalli::Rekill

Klukkan 10:05 hringdi sölumaðurinn minn hjá Heklu í mig og spurði mig út í hvernig ég hyggðist greiða fyrir bifreiðina og hvort ég væri orðinn spenntur að fá hann og svona. Hann ætlar að hringja í mig síðar í dag með frekari tímasetningar en það hefur allt gengið vel í standsetningu hingað til svo hann býst við að ég fái bílinn afhentan klukkan 16:00 síðdegis. Ég get varla beðið en þessir 5 tímar munu eflaust líða framhjá manni eins og mínútur…

Hann tjáði mér einnig að þeir hefðu fundið fyrir mig manual en ég kaupi auðvitað ekkert án þess að fá manual og lesa hann vel og rækilega til þess að kynna mér alla möguleika hlutarins. Vonandi verður hann stuttur og hnitmiðaður :p….

Kalli::Þolinmóður

Nú eru að öllum líkindum bara nokkrar klukustundir (19) í að ég fái nýja bílinn minn afhentan, og ég verð að segja að tilhlökkunin leynir sér ekki. Verk morgundagsins verður að koma núverandi bíl mínum í gegnum skoðun svo ég geti auglýst hann í helgarblaðinu og vonandi selt hann um helgina svo ég geti aðeins bætt í budduna í stað þess að taka bara úr henni :p …. Nú er bara að vona að afhending verði klukkan 16:00 en ekki 18:00 sem gæti allt eins gerst :s ….
Annars er það að frétta að græjurnar seldust eins og heitar lummur svo nú ætti ég að geta sofið rólegur hálfan svefn þangað til að bíllinn selst

Kalli::Bílasaliogkaupandi