geimsins.com

Menn eru á því að mottan hafi ekki verið að gera sig þangað til í Lederhosen var komið. Þessi mynd er tekin fyrir framan eitt tjaldið á Oktoberfest og sýnir hún mig og Hilmar með mass af bjór!

Veðrið er snilld, 25 stig í gær og viðrar vel til hátíðarhalda. Klukkan er fimm mínútur yfir 11 og við erum á leiðinni á svæðið!

Í vikunni barst mér tölvupóstur með subjectinu “Til Hamingju!” frá info@plusferdir.is… Sem betur fer tók junk-mail filterinn minn þennan póst ekki og kom honum fyrir kattarnef því þar var á ferðinni vinningur í netklúbbi Plúsferða.

Ég vann sumsé ferð fyrir 2 til Costa Del Sol í viku einhverntíma í sumar. Ekki kannski staðurinn sem mig langar mest að fara til en ég kvarta ekki yfir að fara þangað fyrir frítt Nú þarf ég bara að velja mér hótel og byrja að telja niður daganna!

Auk þess er ég búinn að bóka mér vikuferð til NYC í Maí svo það stefnir allt í ágætis tíð í ferðalögum núna í sumar!

Eftir dúk og disk hef ég afráðið að smella mér til útlanda í sumar þar sem ég stefni á íbúðarkaup fljótlega upp úr áramótum verður maður að spretta aðeins úr spori svona áður en maður þarf að fara að lifa sparlegar en góðu hófi gegnir

Heimsferðir buðu mér uppá þessa ferð á þokkalegu verði og þar sem ég hef verið þarna áður í tvígang hugsaði ég með mér að þetta hlyti að vera skemmtilegra en Mallorka eða Benedorm (miðað við sögurnar sem maður heyrir þaðan). Svo spillir auðvitað ekki fyrir besti ís í geimi, armani föt að skoða/kaupa og margt sniðugt að gera í nágrenninu

Kalli::Di nuovo all’Italia!

Þessa daganna er ég í óðaönn að setja niður áhugaverða staði sem mig langar að skoða næstu helgi, en ég er að fara til Parísar með konunni. Það sem fer svoldið í taugarnar á mér er léleg veðurspá en það spáir sturturigningu í 2 daga af 4. Ætli það sé ekki bara ágætt, þá kannski nýtir maður tækifærið og reynir að slappa pínulítið af, já eða gerist menningarlegur og skoðar einhver söfn ? Ég hef heyrt að Luvre safnið sé þokkalegt menningarmannvirki

Ef einhver ferðanabbi vill mæla með einhverju sérstöku í París má sá hinn sami (sú hin sama) endilega senda mér skeyti með því að smella hér. Kannski maður nái svona góðu skoti af Eiffelturninum, hvur veit ?

Dagur þessi var heldur óskemmtilegur en þó átti hann sínar ljósu hliðar, ég byrjaði daginn s.s. á því að gleyma aðgangskortinu mínu og beið ég í rigningunni fyrir utan eftir að e-r mætti… og eftir dúk og disk komst ég inn og byrjaði vinnudagurinn uppúr því…. um hádegisbil ræddi ég við vinnufélaga minn og komst að því að fyrrum yfirmaður hans getur mjög líklega komið góðum vini mínum í vinnu, jei !

Í Kringluna fór ég í hádeginu og ætlaði að leita skjóls gegn rigningunni í troðfullum innibílskúr Kringlunnar…. eitthvað voru merkingarnar óskýrar á svæðinu og einhver forláta staur sem var á vitlausum stað varð fyrir mér og viti menn… mér tókst að nudda bílnum svona nett utan í hann, úr urðu þessar líka djúpu rispur, en sökum þess hvernig afturbrettið er byggt hlífði það hurðinni alveg. Réttingaverkstæði Jóa var næsti áfangastaður minn og lagði hann mat á málið, u.þ.b. 20.000 krónur sagði maðurinn og á ég tíma í næstu viku.

Eftir hádegið hringir hún móðir mín og tilkynnir mér að hún hafi unnið 2. vinning í jólagetraun DV. Heimabíó að andvirði 150þús…. JVC dæmi e-ð sem mér skilst að séu ágætis græjur, verst að gömlu hjúin eiga heimabíó fyrir svo JVC græjan er til sölu ef e-r hefur áhuga.

Þegar ég kom heim ákvað ég í fríðu föruneyti að áfangastaður vorsins verður París í öllu sínu veldi, nú fer maður bara að velta hótelum og stöðum til að sjá fyrir sér. Ég segi nú bara “Paris, ici je viens!”

Ég vona að morgundagurinn verði heldur rólegri og léttari á pyngjuna !

Kalli::Útkeyrður

Ég undirbjó ansi skemmtilegan afmælisrúnt fyrir kærustuna sem átti afmæli í gær (15.nóv). Til að byrja með vissi hún aðeins að hún væri að fara út að borða um kvöldið, en þegar ég hitti hana í hádeginu tjáði ég henni að ég væri búinn að fá frí fyrir hana í vinnunni og hún væri að fara í klippingu. Á meðan hún var í klippingunni (sem var alveg 2ja tíma prósess) tók ég bílinn hennar í gegn, tók saman dót fyrir ferðina góðu. Þegar ég sótti hana í klippinguna sagði ég henni að nú þyrfti hún að fara heim að pakka niður í tösku því við værum á leiðinni “út á land”…
(more…)

Ég ákvað að taka mér nokkra daga í sumarfrí núna í lok ágúst til þess að fara til Hólmavíkur með Andreu og Emilíu. Það er alltaf jafn gott að koma í heimahagana og virða fyrir sér hvað hafi breyst síðan maður kom síðast, ný hús? nýtt fólk?

Síðustu helgi var hér rosa húllum-hæ og rokkstjarnan og Hólmvíkingurinn Gunnar Þórðarson var með show með fráfluttum Hólmvíkingum í nýuppgerðum bragganum. Þessa helgina hins vegar er ferðamannatímanum að ljúka (upp að vissu marki) svo veitingastað/pöbb bæjarins, Café Riis, verður lokað á sunnudaginn svo og verður bragganum lokað eftir helgina. Við lögðum af stað úr úrhellis-útlanda-rigningu í bænum og komum hingað í 15°c hita og sól og blíðu. Við fengum okkur að borða á Riis og röltum svo heim, og það verður að segjast að pizzurnar á Café Riis svíkja engan